Network Services and Monitoring Online Course: Participants' Feedback

Your valuable feedback will assist us in our continuing effort to provide the best possible always . Thank You for sharing!

أولا كل الشكر و التقدير لناس ايسوك و اس - دي -نوق   إنو أتاحوا لينا الفرصة الجميلة دي و هيئوا لينا بيئة علمية و عملية و كمان خلونا نستفيد من الزمن و علمونا الإستفادة كمان من وسائل التواصل الإجتماعي و كيف نخليها بيئة علمية 😊

الشكر و كل الشكر والتقدير أولا لأستاذتنا منهل (بالجد منهل 😊) منك إتعلمنا حاجات كتييييييرة مش بس المعلومات و كمان كيف الواحد يستقطع من زمنو و يقدم للآخرين و دا أساس العلم و المعرفة ربنا ينور دربك و دايما إلى الأمام و و الصحة و العافية كمان ليك رفيقان 
حتى تنهلي زيادة في نشر العلم 

الباش مهندس صالح  شهاب الدين بالجد مشاركتك و إرشادك لينا كان فعال و ليك كل الشكر و التقدير على المعلومات القدمتها لينا في 
جزئية الناقيوس و نمتنى كمان حاجات تانية تقدمها في المستقبل 

الوراء الكواليس الما ظاهرين سارة الامين 😊 جوكر قاعد و أكيييييييد ليهو حوجتو و وقتو ليك كل الشكر و التقدير 😊
🌹

قروبي العزيييييييييز .. و الله فرصة جميلة و حلوة كونوا إتعرفت بيكم و و أتشاركنا أفكارنا و معاكم كان كان التطبيق و العملي أجمل بمشاركتكم و و تناقل أفكاركم و أجمل حاجة العمل الجماعى و المسابقة في حل مشاكل بعض و الحمد لله كلللللنا قدمنا و سدينا خانات بعض 😂
🌹

أخيرا تجربتي … مع  ايسوك و اس - دي -نوق 🌟
أول حاجة ورتنا ثقافة الإستفادة من الوقت و عدم ضياع الزمن بإنو أتاحت لينا فرصة إنو الواحد كيف يتعرف و يطبق في بيئة العملية بى عمل بيئة مشابهة تماما للحياة العملية و دي بتخلينا متقنين مدربين فما ح تكون غريبة علينا ..
🤩تاني تناقل الأفكار و تبادل الأراء و كييييف ننصت لبعض و نصل للحل. 
🤩ثالثا ثقافة العمل الجماعي .
🤩رابعا كييييييف التحفيز بشجع الناس على الإنجاز .
🤩 أخيرا ثقافة نشر العلم و تفاني المشرفين في إيصال المعلومة ليكون النجاح هو النتيجة النهائية لجميع أعضاء المجموعة 😊

         الطيب عبدالله الطيب أحمد 
         هندسة إلكترونيات تخصص حاسوب وشبكات